“Tuj vu Zagorju”

“Tuj vu Zagorju”

Tuj se vu crikvu sa žuljami ide,
Sa švicom se gruda zaleva,
Molitve kak zipke škripiju.
Tuj se obloki vu kmici kak sonce vide,
Tuj tuga veselo popeva,
A bregi vu sercu kak oltari bleščiju.

Hiže kak gumbi svetečni svetliju,
Čuvleju steze, na pinklec spomenke,
Na cvetju soze na lsei dišiju.
Puniju potoki srečom pletenke,
Kleti kak žerafke vu oku zglediju
I nigdar tak senje mehko ne spiju.

Tuj se moje vu zemlji počiva
I z mesečinom mira na križu spi.
Tuj reči domače kak kušlece čutim,
Tuj zemla se z Božjojm voljom hmiva,
Tuj nekak smo svoji i preveč si,
Tuj konec svoj vu Zagroju slutim.

Ladislav Prežigalo

(Izgubljene brazde)

Komentiraj

*