“Kak i naši stari”

Kak i naši stari

Navek smo nekak bili,
Vrag nam nič nije zel.
Popevali su nam logožari,
Tugu smo v kleti pili,
Bogec je za nas klel.
Dišali sme kak medičari,
Nad grudom smo se zvili,
Soze nam je pocek zel
I življenje smo zibali
Kaki i naši stari.

Za nami su bili bregi,
Grudom smo frkali potoke.
Nigdar nam prefrigani betegi
Nisu skrili svetle obloke.

Navek sme zdignuto hodili,
Vu sercu čuvali kaj.
Hižu nisme pozabili,
Ni vu megli zgubleni zavičaj.
Dičili smo se z droptinom
I za druge dosta smo meli.
I mrzle kad je bilo pod blazinom,
Vu Božje roke sme se deli
Kak i naši stari:
Sa zemlom pod rokami
Kak pobožni romari.

Ladislav Prežigalo