“Zdela”

Zdela

Z jedne sme zdele jeli,
Z jedne kupice pili.
Z molitvom sme dušu greli,
Jeden drugom vu sercu sme bili.

Življenje je dišalo iz zdele
I očevi žuli i brige,
I materine žele skrite.
Roke su nam gnezdo splele,
Otpile nam mudre knjige
I se pute zavojite.

Pamtim našu svetu zdelu
I priče zmotane vu zlevku.
Pamtim oči na raspelu
Kad od muke
Nisme našli reči za popevku.

Bog zna gde zdela zdej spi,
Gde skrila je dah družine.
Morti kak gruda
Od ljubavi muči
Ili za sreču seje droptine.

Ladislav Prežigalo