“Zagorje vu meni”

Zagorje vu meni

Bog zna
Kaj mi pod vanjkušem spi.
Bregi,
Kak kruh zaobleni,
Vsehnuti potoki,
Gruda
Kaj na pot diši,
Krovi rumeni,
Nasmejani obloki
Ili si to ipak ti,
Zagorje vu meni.

Osmeh sem ti v kleti hteknul,
V sozami
S toboj sem spal.
I kaj god bi
Z dušom teknul,
Mislil sem
Kak bi malo i Zagorju dal.

Spalo si v meni kak dete,
Ispalo v življenju dišobu.
Morti smo zgubili kaplje zajete,
Al znal sem,
Kad smo i reči meli raspete
I kad sreču sem klel,
Da buš mi navek na grobu
Domače popevke
Od kaja splel.

Ladislav Prežigalo

Komentari su zatvoreni