“Kam su prešla ta leta”

Kam su prešla ta leta

Kam su vrapcu prešla ta leta
Kad smo od kmice do kmice šutečki delali.
Oblak je na nami visel kak neman raspeta,
A mi smo same delali
I svoju popevku iz duše popevali.

Na panju smo same decu gledeli,
Kak angeli v krpama su spali.
Tak radi smo se navek meli
Da za dom i grudu i srce bi dali.

Očenaš je pod vanjkušom spal,
Negda od truda same smo pogledeli.
Znal je da bregi tere nam je dal
Bez žulja na rukah ne buju nigdar dozreli.

Kam su prešla ta leta?
Kak da smo živlenje z nebom zibali.
Vlakli smo brazde kak da je dreta,
Vraga smo z hiže vugibali
I srečni bili kak familija sveta.

Ladislav Prežigalo