“I onda dojde vreme”

I onda dojde vreme
Kad su deni kratki
Kad su noći dolge i grde
A kmica se navleče vu kosti
Pa si glediš vu nebesa
Da bi zvezdicu videl
Ma je ni…
Se skrila, kaj da nigdar ni bila!
Sam pes spotulono zavija i noć probija!
O meglena, meglena nebesa
Kakti škrlak kameni te pritišču
S kmicom te stišču
Skrivleš se vu sebe
Sećanja zazivleš
I sam sebi dojdeš kriv
Kaj si živ,
I tu i tam kaj si bil
I krivu reć kaj si rekel
A ništ nisi navčil
i si se još opekel
O dolge, su dolge te zimske noći
I meglene,i kmične,
i ni već puno za reč!
Vreme je za leč!

Neven Dužević