“Hrvatskom zagorju”

Hrvatskom zagorju

Tu je sonce navek na obloku
Tu senje na vanjkušu spiju
Tu bregi bleščiju vu potoku
Tu zipke vu kaju škripiju

Tu materinu sozu sem teknul
Boga sem vu postelu zval
Falačec sem grude za sreču hčeknul
I žule sem cvetja za popevku dal

Tu muka je kak reč čkomela
Tu kaštiga je kak žeravka pekla
Tu roka je ljubav mela
Tu steza se na mesečini svlekla

Tu spomenke sem očeve srel
Zvezdano dvorišče vu sercu zapisal
Hiži sem venček od kušlecov splel
I za navek sem tebe vu duši narisal

Tu zviraju kaplje ljubljene
Tu tuge kak zvona zvoniju
Tu luči su sreče rojene
Tu navek mi bregi kak raj zglediju

Ladislav Prežigalo